विदर्भातील जागांवरून काँग्रेस प्रदेशाध्यक्ष नाना पटोले आणि शिवसेना उद्धव ठाकरे गटाचे खासदार संजय राऊत यांच्यात खडाजंगी झाली. काँग्रेस, शिवसेना ठाकरे गट आणि राष्ट्रवादी काँग्रेस शरद पवार गट यांच्यात एकमत झालेले नाही. त्यामुळेच जागावाटपाची चर्चा अद्याप सुरूच असल्याची माहिती आहे. सोमवारी (30 सप्टेंबर) आघाडीच्या नेत्यांमध्ये मुंबईत सात तासांची बैठक झाली.
काँग्रेसला प्रदेशातील 62 विधानसभा मतदारसंघांपैकी 45 ते 48 जागा लढायच्या आहेत. तर शिवसेना ठाकरे गट आणि राष्ट्रवादी काँग्रेस शरद पवार गट देखील जास्त जागांसाठी आग्रही आहेत. महाविकास आघाडीतील तिन्ही पक्षांमधील चर्चेची दुसरी फेरी सुद्धा होत आहे.
संजय राऊत यांनी सौहार्दपूर्ण चर्चा झाल्याचे सांगितले. आमच्यात कोणतेही मतभेद नाहीत. उत्तर महाराष्ट्राबाबतचे जागावाटप जवळपास निश्चित झाल्याचे सूत्रांनी सांगितले. मुंबईतील पंचतारांकित हॉटेलमध्ये झालेल्या बैठकीबाबत एका नेत्याने सांगितले की, ‘विदर्भावर आमची बोलणी जवळपास पूर्ण झाली आहे. उद्या विदर्भातील उर्वरित जागांवर चर्चा करू. त्यानंतर मराठवाड्यात, पश्चिम महाराष्ट्रात जाऊ.”
काँग्रेस जास्तीत जास्त 110 जागांवर लढण्यास इच्छुक आहे, अशी माहिती आहे. तर शिवसेना ठाकरे गट 100 हून अधिक जागांवर लढू इच्छित आहे. सोमवारच्या (30 सप्टेंबर) बैठकीत मुंबईतील जागांवर चर्चा झाली नाही. सध्या शहरातील आठ जागांच्या वाटपावरून गोंधळ सुरू आहे, अशी माहिती मिळत आहे.
2024 च्या लोकसभा निवडणुकीत विदर्भात महाविकास आघाडीचे वर्चस्व होते. येथील लोकसभेच्या 10 जागांपैकी एकट्या काँग्रेसने पाच जागा जिंकल्या. आता, विधानसभा निवडणुकीत काँग्रेससाठी काही जागा सोडलेल्या शिवसेना उद्धव ठाकरे गटाला रामटेक आणि अमरावतीच्या जागांसह त्या परत हव्या आहेत.
288 जागांपैकी 125 जागांवर महाविकास आघाडी आधीच एकमत झाले आहे. आज नंदुरबारमध्ये चर्चेला सुरुवात झाली. त्यानंतर आम्ही विदर्भावर चर्चा केली,” अशी माहिती सूत्रानुसार मिळाली. महाविकास आघाडीच्या यापुढे बैठकांच्या आणखी फेऱ्या होण्याची शक्यता आहे.
