Actress Fan : आजकाल सुट्टी मागण्याची कारणे पाहायला मिळतात. सोशल मीडियावर नेटकऱ्यांचे मनोरंजन करणाऱ्या एकापेक्षा एक गोष्टी व्हायरल होत असतात. यामध्ये सुट्टी मिळावी म्हणून काही मजेशीर अर्जही सोशल मीडियावर व्हायरल होत असतो. असाच अर्ज सध्या सोशल मीडियावर व्हायरल झाला आहे. या कर्मचाऱ्याचे सुट्टी मागण्याचे कारण वाचून थक्क व्हाल. कारण ‘या’ पठ्ठयाला नृत्यांगना गौतमी पाटीलच्या कार्यक्रमासाठी सुट्टी हवी आहे.
एका एसटी कर्मचाऱ्याला हवी दोन दिवसांची सुट्टी. बरं सुट्टी मागण्याचे कारण वाचून अनेकांनी तोंडात बोटे घातली. गौतमी पाटील नाव कोणी ऐकलं नसेल असा क्वचितच सापडेल. कारण जिथे गौतमी पाटीलचा शो, तिथे शो हाऊसफुल असंच समीकरण पाहायला मिळत आहे. तिचा एखाद्या गावात कार्यक्रम असला की राजकीय पुढाऱ्याप्रमाणे पोलिसांची फौजही बोलवावी लागते. नाहीतर मग राडाच झाला म्हणून समजा.
कोणता राजकीय कार्यक्रम असो, बर्थ डे असो किंवा उद्घाटन गौतमी पाटीलला खास आमंत्रण दिलं जाते. तिच्या कार्यक्रमाचा जलवा पहायला पुरूषांबरोबर महिलांची गर्दीही अफाट असते. आता त्यात मग कोणीही असू शकतो.
Case Registered : राजकीय प्रचार केला अन‌् अल्लु अर्जुन अडचणीत आला
अधिकारी चक्रावले
या कर्मचाऱ्याच्या अर्जाने वरिष्ठ अधिकारीही चक्रावले. होय.. फक्त गौतमीला पाहण्यासाठी चक्क कामावर दोन दिवसांची सुट्टी मागितली आहे. सध्या त्याचे हेच पत्र मोठ्या प्रमाणावर व्हायरल होत आहे. तासगाव आगारात तो काम करत आहे. त्यांच्या गावात गौतमी पाटीलचा कार्यक्रम आहे. गौतमीला एकदा तरी पाहता यावं म्हणून पठ्ठ्यानं एसटी आगारात दोन दिवसांच्या सुट्टीचा अर्ज केला. त्याची चांगली चर्चा होत आहे.
