Lok Sabha News : लग्न म्हटले नवदांपत्यासाठी भविष्याचे स्वप्नरंजन असते. लग्न सोडून एखादे काम नवरदेव करेल असे घडत नाही. मात्र, भंडाऱ्यात अनोखा प्रचार पाहायला मिळाला. नवरदेव लग्नाची वरात सोडून महाविकास आघाडीच्या उमेदवाराचा प्रचार करताना दिसला. नाना पटोले समर्थक असलेल्या या नवरदेवाने केलेल्या प्रचाराची चर्चा जिल्ह्यात होऊ लागली आहे.
काँग्रेसचे प्रदेशाध्यक्ष नाना पटोले आघाडीचे उमेदवार डॉ. प्रशांत पडोले यांच्या प्रचारार्थ जिल्हा पिंजून काढ़त आहे. 12 एप्रिलला त्यांची भंडारा जिल्ह्याच्या पवनी तालुक्यात जाहीर सभा होती.सभास्थळी जाताना लोकांच्या गाठी भेटी सुरू होत्या. दरम्यान, ब्रम्ही गावात पोहचले असताना नवरदेव सुरेंद्र गायधने यांची वरात निघाली. काँग्रेस प्रदेशाध्यक्ष नाना पटोले यांना बघून नवरदेवाने वरात थांबवून नाना पटोले यांच्याकडे धाव घेतली. नानांचा आशीर्वाद घेत उमेदवार डॉ. प्रशांत पडोळे यांच्या प्रचारार्थ फिरू लागला. स्वत:ची वरात सोडून प्रचारार्थ फिरणे आणि त्यांचे नाना प्रेम बघून इतरही गहीवरले.या नवरदेवाची चर्चा आता जिल्ह्यात होऊ लागली आहे.
आज राहुल गांधींची सभा
दरम्यान आज काँग्रेसचे हायकमांड राहुल गांधी यांची जाहीर सभा आहे. काँग्रेसचे प्रदेशाध्यक्ष नाना पटोले यांच्या होम पिचवर साकोली येथे जाहीर सभा आहे.दरम्यान राहुल गांधी यांनी भंडारा गोंदियाची निवडणूक अधिकच सीरियस घेतल्याने त्यात ही नाना पटोले यांचा गृह जिल्हा असल्याने आज राहुल गांधी क़ाय बोलतात याकडे सर्वांचे लक्ष लागले आहे.
