Bhandara Gondiya Constituency : “ये पब्लिक है सब जानती है!” या गायक लक्ष्मीकांत प्यारेलाल यांनी या गायलेल्या गाण्याची खरी प्रचिती भंडारा गोंदिया लोकसभा मतदारसंघाचे भाजपचे विद्यमान खासदार सुनील मेंढे यांना चांगलीच आली आहे. खासदारकीच्या काळात एका गावाकडे केलेले सपशेल दुर्लक्ष त्यांना चांगलेच भोवले आहे. खासदारकीच्या पाच वर्षाच्या काळात गावाचा विकास करू न शकलेले खासदार सुनील मेंढे पुन्हा त्या गावात प्रचारासाठी गेले असता गावकऱ्यांनी अक्षरशः त्यांना प्रचार करण्यास मज्जाव करत पळवून लावले आहे. याचा व्हिडिओ प्रसार माध्यमांवर वायरल झाल्याने खासदार सुनील मेंढे यांच्या कामाची ही पोचपावती असल्याची चर्चा आता भंडारा गोंदिया जिल्ह्यात होऊ लागली आहे.विशेष म्हणजे शरद पवार गटाचे नेते रोहित पवार यांची सभा 3 एप्रिल ला गोंदिया जिल्हाच्या सड़क अर्जुनीत झाल्यानंतर हा प्रकार घडल्याने पवारांचा ‘पॉवर’ चालला असा प्रश्न राजकीय जाणकारांना येऊन पडला आहे.
गोंदिया भंडारा लोकसभा मतदारतून भाजपच्या वतीने खासदार सुनील मेंढे पुन्हा एकदा मैदानात उतरविण्यात आले.गोंदियाचा अर्जुनी मोरगाव तालुक्यात त्यांचा काल (5 एप्रिल) दिवसभर प्रचार सुरू होता. अशातच रात्री 9:30 वाजता अर्जुनी मोरगाव तालुक्यातील बोळदे/करड येथे ते प्रचारासाठी आले असता प्रचाराचा माईक हाती घेताच गावकऱ्यांनी खासदार मेंढेवर प्रश्नाचा भड़ीमार केला. कृषी पंपांना 12 तास वीजपुरवठा का नाही? या प्रश्नाला घेऊन एक शब्दही बोलू दिले नाही.मोठा गदारोळ करत मेंढेना प्रचारासाठी मज्जाव केला त्यामुळे आल्यापावलीच गावातून परतावे लागले. हा मोठा आक्रोश आणि गावकऱ्यांचा संताप बघून पुन्हा एकदा सुनील मेंढेची गतवेळी जनतेशी झालेला दुरावा व 5 वर्षात न केलेली कामे समोर आली.याचा वीडियो च वायरल झाल्याने खासदार सुनील मेंढे यांच्याबाबत असलेल्या संताप समोर येऊ लागला आहे.
रोहित पवारांचा पॉवर चालला
दुसरीकडेकड़े गोंदिया जिल्ह्याच्या सड़क अर्जुनीत शरद पवार गटाचे नेते आमदार रोहित पवार यांची 3 एप्रिलला सभा झाली आहे.या सभेत सड़क अर्जुनी प्रमाणे मोरगाव अर्जुनी तिल गावकरी ही शामिल झाले आहे.यावेळी त्यांनी विद्यमान खासदार सुनील मेंढे यांचा ‘कॉन्ट्रॅक्टर’ असा उल्लेख करत खिल्ली उडविली आहे.मेंढे यांनी खासदारकीच्या काळात ‘विकास’ कामावर केलेले दुर्लक्ष याचा अक्षरक्ष: पाढा वाचून दाखविला आहे.त्याचा तर हा परिणाम नाही ना अशी चर्चा आता होऊ लागली आहे.
शहांचा दौरा रद्द..
भंडारा गोंदिया लोकसभा मतदार संघाचे खासदार सुनील मेंढे यांच्या प्रचारासाठी केंद्रीय मंत्री तथा भाजपचे स्टार प्रचारक अमित शहा यांची सभा आज 6 एप्रिल ला गोंदिया शहरात होणार होती. मात्र सततच्या दौऱ्याने त्यांना थकवा आल्यामुळे त्यांची सभा रद्द झाल्याचे बोलले जात आहे.दरम्यान खासदार सुनील मेंढे यांनी पाच वर्षात कोणतेच विकासाचे काम न केल्यामुळे त्यांचा प्रचार कसा करावा असा प्रश्न पडल्यामुळे अमित शहाचा दौरा रद्द झाल्याचे मेसेज वायरल होत असून भाजप खासदार सुनील मेंढे यांना ट्रोल केले जात आहे. या सर्व घडामोडी आपल्याच मतदारसंघातील एका गावातून विद्यमान खासदारांनाच प्रचार केला जाऊ देत नाही ही घटना भाजपच्या वरिष्ठ नेत्यांनी हलक्यात घेऊ नये इतकेच!
