Congress Vs BJ P काँग्रेसचे अध्यक्ष मल्लिकार्जुन खर्गे म्हणाले, भाजपचा सर्वत्र पराभव होत असताना पंतप्रधान नरेंद्र मोदी 400 हून अधिक जागा जिंकण्याचा नारा कसा देत आहेत. याबाबत आश्चर्य वाटते .ते म्हणाले, विरोधी आघाडी ‘इंडिया’ला बहुमत मिळण्याची शक्यता आहे. कलबुर्गी येथे ते पत्रकारांशी बोलत होते.
ते म्हणाले की, जनतेने विरोधी आघाडी ‘इंडिया’ला चांगला पाठिंबा दिला आहे. ही निवडणूक जनता आणि पंतप्रधान मोदी यांच्यात आहे. कारण लोक आता विशेषतः वाढती महागाई आणि बेरोजगारीमुळे नाराज आहेत.
लोकशाही, संविधानावर हल्ला
लोकशाही आणि भारतीय संविधानावर मोठा हल्ला केला जात आहे. स्वायत्त संस्थांचा गैरवापर करून भाजप सरकार चालवत आहे. त्यामुळे जनता प्रचंड नाराज असून, विरोधी आघाडी ‘इंडिया’ला पाठिंबा देत आहे. त्यामुळे युतीला चांगली संधी असल्याचे खरगे म्हणाले. भाजपला सत्तेत येण्यापासून रोखण्याची पूर्ण क्षमता युतीमध्ये आहे. जनतेला निकालासाठी 4 जूनची वाट पाहण्यास सांगून ते म्हणाले निकाल जाहीर झाल्यानंतर पुढील वाटचाल ठरवली जाईल. युतीला किती जागा मिळतील, असे विचारले असता, खर्गे यांनी निश्चित संख्या सांगू शकत नसल्याचे सांगितले. ते म्हणाले, “मी अशा प्रकारे मोजणी केली नाही कारण राजकारणात अशी गणना फारच कमी आहे.
तेलंगणात जागा वाढतील
तेलंगणामध्ये काँग्रेस अलीकडेच सत्तेवर आली होती. तेथे 2019 मध्ये त्यांना दोन जागा मिळाल्या होत्या. यावेळी जागांची संख्या वाढेल.आमचा मित्रपक्ष द्रमुक अबाधित आहे. केरळमध्ये आम्हाला जास्त जागा मिळतील. महाराष्ट्रात आमची ‘आघाडी’ 50 टक्क्यांहून अधिक जागा मिळवेल. सर्वत्र कमी होत असताना त्यांना अधिक कसे मिळतील हे मी समजू शकत नाही, खरगे यांनी लक्ष वेधले.
Lok Sabha Election : व्हीव्हीआयपी नेत्यांचे सहाव्या टप्यात मतदान
राजस्थानमध्ये काँग्रेस शून्य होती..
“राजस्थानमध्ये आम्ही शून्य होतो. यावेळी आम्हाला सात-आठ जागा मिळणार आहेत. मध्यप्रदेशात आम्ही दोन जागा जिंकल्या होत्या. तिथेही आमचा नंबर वाढेल. छत्तीसगडमध्ये आम्हाला फायदा होत आहे. जिथे ते 100 टक्के होते तिथे त्यांची संख्या कमी झाली आहे. ते कशाच्या आधारावर 400 पार बोलत आहेत हे मला कळत नाही,” असे खरगे म्हणाले.
