Maharashtra Politics : 1982मध्ये केंद्र सरकारने सर्व राज्य सरकारांना दलितांसाठी ‘हरिजन’ हा शब्द वापरू नये, असे निवेदन दिले होते, याचा कदाचित काँग्रेसला विसर पडलेला आहे. 2010मध्ये, सामाजिक न्याय आणि सक्षमीकरण मंत्रालयाने पुन्हा नवीन मार्गदर्शक तत्त्वे जारी केली. पण काँग्रेसने हरिजन हा शब्द का वापरला, असा सवाल करत वंचित बहुजन आघाडीचे राष्ट्रीय अध्यक्ष अॅड. प्रकाश आंबेडकर यांनी काँग्रेसवर घणाघात केला.
प्रकाश आंबेडकर म्हणाले, काँग्रेसने असे करण्यामागे एकच कारण असू शकते आणि ते म्हणजे अहंकार. काँग्रेस सारख्या सापाने वेळोवेळी दलितांना आपले खरे विषारी दात दाखवलेले आहेत, अशी जहरी टीका प्रकाश आंबेडकर यांनी ट्विटरच्या (X) माध्यमातून केली आहे. त्यांचे हे ट्विट चर्चेत आले आहे.
हरिजन शब्द वापरण्यास सुरुवात
ॲड. आंबेडकर यांनी म्हटले आहे की, गांधीजींनी अस्पृश्यांसाठी हरिजन हा शब्द वापरण्यास सुरुवात केली. तेव्हा बाबासाहेब आंबेडकरांनी त्यास कडाडून विरोध केला आणि म्हटले की हा अपमानास्पद आणि फसवा शब्द आहे. जातिवाद आणि अस्पृश्यतेच्या वास्तविक समस्येवर गप्प बसवण्याचा हा प्रयत्न आहे.
Vijay wadettiwar : वडेट्टीवार संतापले, अधिकाऱ्यांची काढली खरडपड्डी अन् सरकारला
ॲड. आंबेडकरांनी यामध्ये दलितांना संबोधित करत म्हटले आहे की, दलितांनी आता ठरवले पाहिजे की, सौंदर्यप्रसाधने आणि कुटुंबाच्या तालावर नाचणारी कठपुतळी काँग्रेसवर विश्वास ठेवायचा की, स्वतंत्र नेतृत्व असलेला आंबेडकरवादी पक्षावर? जो कोणत्याही जाणवेधाऱ्यांच्या तालावर कधीही नाचला नाही आणि कधी नाचणारही नाही. ज्यांनी दलित, आदिवासी, मुस्लिम आणि ओबीसींच्या राजकीय हक्कांसाठी काम केले आहे. त्याच पक्षासोबत आपल्या जनतेने आता राहिले पाहिजे.
