Political War : आमदार अमोल मिटकरीं यांनी पुन्हा खासदार अमोल कोल्हे यांच्यावर निशाणा साधला आहे. कोट्यवधीची माया जमवणाऱ्या शिरूरच्या अभिनेत्याला कधी शेतात काम करताना पाहिलंय का?असा सवाल करत मिटकरींनी कोल्हे यांच्यावर टिका केली आहे. अमोल कोल्हे यांनी उपमुख्यमंत्री अजित पवार यांच्यावर टीका केल्यानंतर मिटकरींनी प्रत्युत्तर दिले आहे.
खासदार अमोल कोल्हे यांनी अजित पवार यांच्यावर टीका करतांना ‘माझ्यासारख्या कार्यकर्त्याने शेतकऱ्यांचे प्रश्न मांडले, बिबट्यांचा शेतकऱ्यांना होणारा त्रास यावर आवाज उठवला, ही चूक केली का? असा सवाल विचारत डॉ. अमोल कोल्हे यांनी अजित पवारांना आव्हान दिलं होतं. माझ्यासारख्या लहान कार्यकर्त्याला पाडण्याची भाषा करणाऱ्या अजित पवारांना जर मर्दुमकी दाखवायची असेल तर ती दिल्लीत दाखवावी. आणि शेतकऱ्यांचे प्रश्न सोडवावेत असं अमोल कोल्हे म्हणाले. सर्वांना आव्हान द्या, पण बापाला आव्हान द्यायचं नसतं असा टोलाही त्यांनी अजित पवार यांना लगावला होता. दरम्यान, यावर अजित पवार यांचे कट्टर समर्थक आमदार मिटकरी यांनी अजित पवार यांच्यावरील टिकेचं अमोल कोल्हे यांना प्रत्युत्तर दिले आहे. आमदार अमोल मिटकरींनी आपल्या एक्स सोशल मीडियावर पोस्ट करीत खासदार कोल्हे यांच्या टीकास्त्र सोडले आहे.
Fadanvis VS Thackeray : मी नागपुरी आहे, त्यांच्या स्तरावर जाऊन मला बोलता येत नाही !
नेमकं काय म्हणाले मिटकरी!
आमदार अमोल मिटकरी यांनी आपल्या पोस्ट मध्ये ‘स्वतः ला सर्वसामान्य शेतकऱ्याचं पोर म्हणवत कोट्यवधीची माया जमवणाऱ्या शिरूरच्या अभिनेत्याला कधी शेतात काम करताना पाहिले नसेल. अहो कसला शेतकरी मेकअप करुन भाषण ठोकत फिरत असतो. कांदा उत्पादक शेतकऱ्यांवर संकट होते तेव्हा दिल्लीत झोपा काढल्या का? अशा शब्दात आमदार अमोल मिटकरींनी खासदार कोल्हे यांच्यावर टीका केली आहे.कोल्हे मिटकरी वाद नव्याने उफाळून आलेला दिसतो. राष्ट्रवादी विरुद्ध राष्ट्रवादी अशी किनार या वादाला आहे.
