September 14, 2024

Assembly Elections : महायुतीचं ठरायचय! अजित पवारांचं ठरलं?

NCP : जागावाटप होण्यापूर्वीच 20 उमेदवार ठरले

by लोकहित

लोकहित

The Lokhit Bureau

NCP Candidate list : विधानसभा निवडणुकीसाठी जागावाटपावरून महायुतीमध्ये चर्चा सुरू आहेत. अद्याप ना निवडणूक जाहीर झाली आहे ना उमेदवार. पण मतदारसंघांवरील दावे-प्रतिदावे सुरू झाले आहेत. अशात महायुतीतील घटक पक्ष राष्ट्रवादीने मात्र 20 जागांबाबत निर्णय घेतला आहे. महायुतीचं ठरायचं असताना उपमुख्यमंत्री अजित पवारांनी एक पाऊल पुढे टाकल्याची चर्चा आहे.

विधानसभा निवडणूक जाहीर झालेली नसली तरी सध्या सर्वच पक्षांकडून जोरदार मोर्चेबांधणी सुरु आहे. यंदाच्या निवडणुकीत महायुती विरुद्ध महाविकासआघाडी अशी थेट लढत होत आहे. दरम्यान महायुतीचे जागावाटप जाहीर झालेले नसताना आता अजित पवार गटाच्या संभाव्य 20 उमेदवारांची यादी समोर आली आहे. राष्ट्रवादीने विधानसभा निवडणुकीसाठी आपल्या 20 उमेदवारांच्या नावावर शिक्कामोर्तब केले आहे. त्यात अजित पवार यांच्यासह बहुतांश विद्यमान आमदारांचा समावेश आहे, असे कळते.

महाराष्ट्रात विधानसभा निवडणुकीची तयारी जोरदार सुरु झाली आहे. राज्यात नेतेमंडळी देखील सभा, मोर्चेबांधणी करण्यावर अधिक भर देत आहेत. मात्र अद्याप निवडणुकीची अधिकृत घोषणा झालेली नाही. महायुती आणि महाविकासआघाडी मधील घटक पक्षांच्या वारंवार बैठका सुरू आहेत. अजित पवार गटाची देखील बैठक अलीकडेच झाली. यात पक्षाचे सर्व ज्येष्ठ नेते उपस्थित होते. या बैठकीत राष्ट्रवादीच्या संभाव्य 20 उमेदवारांच्या नावांवर शिक्कामोर्तब करण्यात आलं आहे. या उमेदवारांच्या नावांची यादीही समोर आली आहे. यानुसार बारामती विधानसभा मतदारसंघातून अजित पवार निवडणूक लढवणार असल्याचे दिसत आहे. तर बीड-परळी विधानसभा मतदारसंघातून धनंजय मुंडे हे रिंगणात उतरणार असल्याचे बोललं जात आहे.

Eknath Khadse : फडणवीसांनी मला राज्यपाल बनविण्याचा शब्द दिला होता

अजित पवारांकडून मुख्यमंत्रीपदाची मागणी

काही दिवसांपूर्वी राज्याचे उपमुख्यमंत्री आणि राष्ट्रवादी काँग्रेस पक्षाचे नेते अजित पवार यांनी मुख्यमंत्रि‍पदाची इच्छा बोलून दाखवली होती. अजित पवारांनी थेट केंद्रीय गृहमंत्री आणि भाजप नेते अमित शाह यांच्यापुढे हा प्रस्ताव मांडला होता. एका इंग्रजी दैनिकाने यासंदर्भातील वृत्त दिले होते.